Monday, October 12, 2015

sanay maghintay



parang huni ng ibon, paulit-ulit
bawat minuto tumutunog
o parang dalisdis ng pang basketbol na sapatos
sa bawat hinto o yapak sa tabladong sahig

hamburger na puti na may dalawang mata
nagpapaugong sa kaliwang tenga
sa kuwarto kung saan
daan na babae ang bumukaka

kung saan nakapatong ang pizza ko
sa hinihigaan nila
at balak kong ibigay ang pizza sa guwardiya mamaya
o ibaon ko na lang.

nilalamig na mga instrumento ko
pati siguro yung mga babaeng bumukaka rito
nanghuhuli ng mga kriminal
papindot-pindot,  o kaya sumasalakay ng bayan

gamit yung mga maiitim na lobong may bomba
isang oras pa, may pupunta pa kaya
noong isang araw pila sila
kinain ko na rin ung pizza

tapos pinalipat ako ng kuwarto
wala na yung tunog
mayroon pa rin pala
may dumating.